EHBaiko hautagaiak, bizikletaren alde engaiatzen dira!

Ipar Euskal Herrian berotegi efektuko gasen isurketen % 32a, mugikortasunetik heldu da. Klima aldaketaren aurka borrokatzeko, mobilizazio garbien aldeko eta, bereziki, bizikleta erabiltzearen aldeko neurri pro-aktibo eta boluntaristak izan behar dute politika publikoen lehentasuna.

Bide obren, mugikortasun inklusiboaren eta kolegioko arloan dituen eskumenak kontuan hartuz, Departamenduak, anbiziozko neurriak hartu behar ditu bizikletaren erabilpenaren garapena bultzatzeko.

Departamenduko hauteskundeetara aurkezten diren EHBaiko hautagaiak, norabide horretan engaiatzen dira FUB eta Vélo & Territoire-ren “Parlons Vélo” galdetegia erantzunez.
Erantzunak irakurtzeko, klik egin lotura honetan.

BIDAXUNEN BILKURA PUBLIKOA EKAINAREN 11an ATSEKO 8 Ta erditan
Depardamentuko hautzeskundeen kanpainaren karietarat EHBAIko hautagaiek Emilie DUBOIS, Xabi LARRALDE,  Marie HAGET, Laurent LUCMARET, bilkura publikoa antolatzen dute:
Gaia: PREKARITATEA eta ETXEBIZITZA.
Ekainaren 11an ostiralez, 20ak eta erditan, Bidaxuneko Herriko Etxeko gelan
Gure hautagaiek gaureguneko krisia eta bere ondorioak aipatuko dituzte, baieta ere EHBAIen proposamenak krisiari buru egiteko.
Ongi etorri deneri!
KASU ERITASUNAGATIK BILKURA EZEZTATUA DA
LogementPaysBasque.com webgune berria sarean da!

 

EHBaiek sortu du web plataforma berri bat www.LogementPaysBasque.com Ipar Euskal Herriko biztanleek informazio guziak biltzeko etxebizitzaren arazoari begira bainan ere lekukotasuna eta ekarpenak biltzeko.

 

Joan den apirilaren 10ean, publiko egin genuelarik “Etxebizitza Eskubidea” kanpaina, azpimarratu ginuen testu ofizialen inguruan egin behar zen pedagogia lana. Besteaz beste Tokiko Etxebizitza Programa jendarteratzeko beharra. Horregatik, kontsulta zabal baten bidez, hitza eman nahi diegu herritarrei.
Etxebizitzari buruzko Herri Kontsultak informazioak instituzioetatik ateratzea du xede eta ulermenerako giltzak emaitea populazioari.

Informazio lanarekin batean, nahi dugu erakusterat eman hemengo biztanleek bizitzen duten arazoa egunez egun. Etxebizitzaren tematikak hunkitzen gaitu goiz ala berant. Denei hitza emanez, nahi dugu ikuspegi zabal eta osoa eman. Web plataforma hau nahi dugu bilaka dadin tresna bat hitza hartzeko eta lekukotasunak partekatzeko.

 

 

 

Heldu den sartzean, bildutako ekarpenekin nahi dugu formulatu iritzi bat Euskal Elkargoari pasaraziko dioguna.
Konbentzituak gaude aterabideak kolektiboki atxemanen ditugula. Zentzu hortan, plataforma hau elkarte eta eragile desberdinen esku uzten dugun tresna bat da.

Departementaleko bozkak 2021

Garai biziki zailak bizitzen ditugu. Covid-19aren pandemiak gutarteko ahulenak bereziki kolpatzen ditu : honengatik, jendarte zuzenagoa eta solidarioagoaren aldeko parioa egiten dugu. Pario hori laguntasun azkarreko jendarte batena da ere, Herri honen nortasunak, kulturak, eta historiak oinarritzen duen lotura  sozialen aberastasuna balioan jartzen duena.
Krisi sanitarioa, baina ere soziala, ekonomikoa eta ekologikoa : egoera hori hamarkadetako politiken ondorioa da
ere. Eredu produktibistaren gehiegikeriekin laborantzak hori ongi irudikatzen du. Erronka berriei buru egin ahal
izateko, aldaketa beharrezko dugu, 40 urtez agintean egon diren arduradun politikoek nekez gauzatu dezaketena.
Aldaketa hori posible dela diogu !
Abertzaleek hamarkadetako lana eraman dute Herrian lan, bizi, eta erabakitzeko borondateari bide emateko. Guretzat helburu hori ez da lema hutsa, baizik eta engaiamendu kolektibo azkar bat. 4 Engaiamendu bat biztanleen erabaki eta eginbide ahalmenaren indartzearen alde, Ipar Euskal Herriaren aitortza instituzionalaren bitartez gauzatzen dena. Sortu berria den euskal Elkargoa estatus bereziko Lurralde Kolektibitate bat bilakatu beharko da.
Motzean, Departamenduarekin partaidetzan, politika sozialen buru kokatua izan behar da. 4 Engaiamendu bat Herri honen ekonomiaren alde, besteak beste, ingurumena eta kontsumitzaileen errespetuan, balio erantsia etxalde ttipi eta ertainetan atxikitzen, eta lokalki kalitatezko sailak garatzen dituen laborantza defendituz. 4 Engaiamendu bat borroka sozialetan, adibidez, etxebizitzen inguruko espekulazioaren kontra, tokian-tokiko ekintzen bitartez, edo instituzioetan. 4 Engaiamendu bat borroka ekologistetan, birtokiratze eta trantsizio energetikoaren aldeko alternatibetan.

ldaketa hori elgarrekin eraiki dezagun, zuen konfiantxaren beharra dugu : ekainaren 20an, bozka EH Bai