Goiz huntan, EHBAIen “Lurra eta Etxebizitza” lantaldeak ekimen bat antolatu zuen etxe hutsen eta bigarren etxebizitzen inguruan.
Badu orain zenbait hilabete etxebizitzaren tematika berriro ere lehen lerroan dugula.
Etxe eraikitzeak biderkatzen direlarik, laborantza eta naturalak diren lur eremuak janez, batzuek bigarren etxebizitza bat erosten dute Iparraldea,, hutsik egoiten dena 9 edo 10 hilabetez urtean eta ber mementoan hemengo gazteek eta herritarrek etxebizitza duin baten eskuratzeko ezintasunean dira.
Tokiko Etxebizitza Planak emandako kopuruen arabera, gaur egun Ipar Euskal Herrian 54152 etxe hutsak dira (11904 hutsak eta 42235 bigarren egoitzak).
Kopuru horiekin bada kezkatzekoa, arazo nagusi bat da gure herriarentzat.
Errealitate hau jakinarazteko, goizean, hamarnaka lagun mobilizatu dira Iparraldeko herrien sartzeetan panelak pausatuz.
Ekimen hau “Etxebizitza eskumena” kanpainaren baitan kokatzen da. Joan den apirilaren 10ean, Euskal Elkargoaren aitzinean aurkeztu ginuen. Azaroan iragan behar den manifestazio masibo bati buruz lan eginez, anartean sentsibilizazio lanetan segituko dugu herritarrei baita hautetsiei begira. Astelehenean irekiko dugu webgune berezi bat pedagogia lana eremaiteko eta lekukotasunak biltzeko.
Mobilizazio berriak antolatuak dira ondoko asteentzat, ez duda gurekin harremanetan sartzea : etxebizitza@ehbai.eus