Gaur Zuzi Olinpikoa Euskal Herritik iragan da.

EHBaik, hainbat ikurrina eta Nafarroako bandera jarri ditu Baionako ibilbidean Euskal Herria Nazio bat dela aldarrikatzeko.

Zuzi olinpikoaren ekitaldi honetan, Euskal Herria ez da existitu, Pirinio Atlantikoetako departamenduan urtua agertu baita, identitaterik propiorik gabe eta Frantziako beste eremu bat balitz bezala.

Iduriz, EHBaiko kideek egindako ekimenak eta euskal ikurrak zabaltzeak traba egin du erakutsi nahi izan duten irudi horretan. Izan ere, zintzilikatutako ikur guziak kendu dituzte.

EHBaik fermuki salatzen du ikurrina eta ikur guziak kendu izana. Oinarrizko eskubidea den adierazpen askatasuna urratzeaz gain, Euskal Herriaren nazio izaera ukatu eta bere buruaren jabe izateko aldarrikapen guziak isilarazi nahi izan baitituzte.

Loturik atzemanen duzue, EHBairen irakurketa joko olinpikoetaz.