Azaroaren 21ean, Emazte Topaketak antolatuko ditu EHBaik Baionako Mota Coworking gunean!
EHBairen II. Kongresuaren prozesuaren baitan, plan feminista izanen dugu hizpide, gure mugimendua gero eta feministagoa izan dadin eta Euskal Herri feminista baten alde urratsak ematen segitu dezagun.
Plan feministaren lehen zirriborroa partekatu eta elkarrekin eztabaidatzeko parada izanen dugu. Besteak beste, gure barne antolaketa eta militantzia eredua eraldatzea, emazteen parte-hartzea eta lidergoa indartzea, bortizkeria sexistak prebenitzea eta politika publiko feministak sustatzea izanen ditugu mintzagai.
Goiz horretan, Ipar Euskal Herriko ezkerreko, abertzale, feminista eta ekologista balioekin bat egiten duten emazteak* (zisgeneroak eta transgeneroak), baita pertsona ez-binarioak ere, gomitatzen ditugu gogoeta kolektibo honetan parte hartzera.
Topaketa hau ez da plan feministaren aurkezpen hutsa izanen: gure bizipenak, kezkak eta proposamenak partekatzeko eta elkarrekin eraikitzeko espazioa izan nahi du. Goiz horretan eginen ditugun gogoetek EHBairen II. Kongresuan bozkatuko den plana aberasten lagunduko dute.
EHBairen parte izan ala ez, zure ekarpena garrantzitsua da baita zure inguruan diren feministen ekarpena ere. Elkar ezagutzeko, saretzeko eta Euskal Herri feminista baten aldeko bidean urrats berriak elkarrekin egiteko unea izanen da ere, beraz, ez duda eta etorri momentu hori gurekin partekatzera.
Izena eman: https://docs.google.com/forms/d/e/1FAIpQLScllYw-ANqIkIgku-Aejl1E8B40xjBA_Pc5VOnz8q6JbXAzYA/viewform
📅 Azaroaren 21ean, larunbatarekin
🕙 10:00etatik 13:00etara
📍 Mota Coworking, Baiona
(3 Rue du 49ÈME Régiment d’Infanterie, 64100 Baiona)
Gure mugimendua barnetik eraldatzeko eta feminismoan urrats berriak egiteko, elkarrekin eraiki dezagun bidea! GERO ETA GEHIAGO, Construisons demain!
Animatu parte hartzera!