Egoera politikoa 

  • 2017-az geroztik, Euskal Hirigüne Elkargoaren sortzearekin, Ipar Eüskal Herria politika publikoen aitzina eremaiteko eremüa bilakatü da.
  • 310 000 bizizaleko lürraldean egon daitezkeen desoreken gaintitzeko tresna da. Hala, EH Bai-ren lehentarzünetan da lürralde honentako proposamen koherente baten lüzatzea osagarri zerbütxü pübliko hüillan bat ukeitez, enplegüak sortüko dütüana.

 

Egoera arrenküragarria Mauleko ospitalean 

  • Azken urte horietan, ospitaleko egoerak arrenkürak piztü dütü paziente eta langileen beitan.
  • Egün Mauleko ospitalea Olorueko ospitaleko züzendaritzaren ardürapean da, Oloruekoa Paueko ospitalearen meneko delarik.
  • Diharü murrizte itogarriek ospitalearen geroa eta honi lotürik diren zerbütxü elibaten geroa düdan ezarten dütüe.  
  • Mauleko ospitalearen begiratzea ezinbestekoa denaz gain, hüillaneko eta kalitatezko zerbütxü pübliko baten bermatzeko, indartü eta garatü behar den tresna da. 

 

EH Bai-ren proposamena : Kostalde-Nafarroa lürraldeko ospitale elkargoan sartzea.

  • Lürraldetasünaren ikuspegitik, Mauleko ospitalea, 2014 ko abentüan sortü zen Kostalde-Nafarroa lürralde elkargoari lotürik izan dadin aldarrikatzen dügü. Erran nahi beitü Baionako, Donapaleüko, eta Izpurako Luro ospitaleak biltzen dütüan egitüran sartzea.
  • Ospitaleen batarzün honek antolaketa eta eskeintza aldetik dütüan abantailak, Ipar Eüskal Herriko bizizale ororen zerbütxüko ezarri behar dütügü, Xiberoa barne .
  • Lürraldeko ospitale elkargoari lotzeak, Mauleko ospitalearen arta eskeintza hobetüko dü, bedezi berezilarien jinaraztez.
  • Egia da osagarri saila ez dela Eüskal Hirigüne Elkargoaren eskümenetan. Bena eüskal haütetsien nahikünte azkarra baldin bada, ez dügü düdarik ARS-ak (Agence Régionale de Santé) eta ministeritzak kontütan hartüko düela.

 

Horregatik, Xiberoko haütetsi güzier galtatüko deiegü ados direnez Mauleko ospitalea Eüskal Lürraldeko Ospitale elkargoari lotürik izan dakion.